Kung Fu Panda 3

Kung Fu Panda 3

Multfilm Ruhlar olamida afsonaviy ustoz Ugvey va barcha chi energiyasini o‘g‘rilashni maqsad qilgan yovuz buqa Kay o‘rtasidagi qaqshatqich jang bilan boshlanadi. Kay g‘alaba qozonib, tiriklar olamiga qaytadi va barcha kung-fu ustalarning kuchini birma-bir tortib ola boshlaydi. Ayni paytda Tinchlik vodiysida qahramonimiz Po o‘zining yangi vazifasi — ustoz Shifuning o‘rniga yoshlarga kung-fu o‘qitish va ustozlik qilishni o‘rganmoqda. Biroq bu ish unchalik oson kechmaydi. Kutilmaganda Po o‘nlab yillar oldin yo‘qotib qo‘ygan haqiqiy otasi Li Shan bilan topishib qoladi. Ikki panda quvonch bilan bir-birini bag‘riga bosadi. Shu paytda qo‘rqinchli yovuz Kay Tinchlik vodiysiga yaqinlashayotgani ma'lum bo‘ladi. Uni to‘xtatish uchun oddiy kung-fu usullari yetmasligi, buning uchun Po o‘zining ichki chi quvvatini to‘liq ochishi kerakligi oydinlashadi. Li Shan o‘g‘lini qutqarish uchun uni pandalar yashirin, dunyodan ajralib qolgan go‘zal tog‘ qishlog‘iga olib ketadi. U yerda Po o‘zi kabi o‘nlab quvnoq va sho‘x pandalar bilan tanishadi. Kay qishloqqa bostirib kelishidan oldin, Po jang san'atidan mutlaqo yiroq bo‘lgan bu oddiy va dangasa pandalarga o‘zlarini himoya qilishni o‘rgatishi, har birining o‘ziga xos tabiiy xususiyatlarini yuzaga chiqarishi va so‘nggi hal qiluvchi jangda yovuz Kayga qarshi kurashib, butun dunyoni qutqarishi kerak bo‘ladi.